Жыл сайын 1 наурызда Дүниежүзілік Азаматтық қорғаныс күні атап өтіледі.

Мереке табиғи және техногендік сипаттағы төтенше жағдайлардың алдын алу ісіндегі елдердің күш - жігерін үйлестіруге, халықты, АҚ қызметтерін ықтимал экстремалды жағдайларға дайындауға бағытталған және белгілі бір ұранмен өтетінін атап өткен жөн. Бүгінгі таңда Халықаралық Азаматтық қорғаныс ұйымы (ХАҚҰ) - бұл азаматтық қорғаныс пен халықты халықаралық деңгейде қорғау саласында маманданған және Еуропа, Азия мен Африканың 70 - ке жуық елін біріктіретін жалғыз халықаралық үкіметаралық ұйым. «Қазақстан Республикасының Халықаралық Азаматтық қорғаныс ұйымының Жарғысына қосылуы туралы» Қазақстан Республикасының Заңы күшіне енген соң 1997 жылғы 31 қазаннан бастап Қазақстан ХАҚҰ - ның толық құқықты мүшесі болып табылады.

ХАҚҰ - ның негізгі мақсаттары азаматтық қорғау құрылымдарын құруға және күшейтуге жәрдемдесу, техникалық және консультациялық көмек көрсету, азаматтық қорғау қызметтері үшін оқу бағдарламаларын әзірлеу, мүше мемлекеттер арасында озық тәжірибе алмасуды қамтамасыз ету.

Осыған байланысты біздің мектебімізде іс - шара жоспары жасалып, тақырыптық сынып сағаттары, ашық сабақтар өткізіліп, бейнероликтер көрсетіледі. ТЖ департаменттерінің жеке құрамы үгіт материалдарын, ақпараттық, оқыту және профилактикалық сипаттағы таратпа материалдарын береді. Дүниежүзілік Азаматтық қорғаныс күнін мерекелеу бойынша барлық іс - шаралар төтенше жағдайлар кезіндегі іс - қимылдар бойынша халықтың хабардарлығын арттыруға бағытталған.

Өткізілген іс - шаралар нәтижесінде қатысушылар теориялық білім мен өзін - өзі қорғаудың практикалық дағдыларын алады, әртүрлі қауіпті жағдайлар туындаған кезде өздерін қалай құтқаруды және басқаларды қалай құтқаруды үйренеді. Мектепте 1 наурыз күні Халықаралық азаматтық қорғаныс күніне мектеп қызметкерлері мен оқушыларына оқу жаттығуы өткізілді.